اهلين بنات اخباركم وكيف العيد كان معاكم ؟! :)
عندي لكم ريفيو عن أرواج ريفلون الجديدة اللي نازلة عندنا بالسعودية
من مجموعة ال Revlon ColorBurst™ Lip Butter
ودا وصفها بموقع ريفلون
- Buttery Balm + Shiny Color- Buttery balm with beautiful shiny color to give you baby softhealthy glowing lips 94% of women felt lips were softer, smootherand instantly hydrated.
اخذت من المجموعة لونين بس واخترت على اساس اللون يكون قريب للون شفايفي
انا بالعادة معروف احب الأرواج المات واغلب ارواجي مات احب دا التكستر لشفايفي
وبالعادة كمان ابعد عن الجلوس واللمعة بالأرواج لأنو شفايفي مو ناقصين ماشاءالله LOL
بس دي الأرواج من الكولكشن الجديد ماتوقعت انها تعجبني واشتريها بس قلت بنات اليوتوب
ماراح يسووا رجة عليها الا وهيا كويسة فا قلت اعطيهم فرصة ليش لا
خاصة انو الألوان خفيفة وخاصة احنا بالخليج شفايفنا تكون غامقة شوية
اخذتها ومرة ماندمت الترطيب عالي فيها
احسها مو روج هوا مرطب مع نسبة لون خفيفة ومع شوية جلوس
اللونين اللي اخترتهم تقريباً شبة بعض واحد على بينك والثاني جاي على لحمي
مرة عجبتني صح اللون مايثبت لكن الترطيب يجلس لعدة ساعات
ارواج يومية تصلح للمدرسة والجامعة وللدوام وحتى للبيت ليش لا ;)
بس حاولو تبعدوها عن الحرارة لأنها ممكن تسيح
غير عن كذا انصحها لكل البنات والستات ;)
المجموعة موجودة بسنتر بوينت ومحلات التجميل
بس سعر سنتر بوينت يكون اغلى اخذت روج منهم
الألوان الحلوة تكون مخلصة عندهم
والثاني اخذت من ارجوان السويدي وانصحكم فية اغلب الألوان موجودة فية
سعر سنتر بوينت : 51 ريال
ارجوان السويدي : 45 ريال
اخليكم مع الصور والسواتش :)
