TAG | 5 Products I Don't Recommend

اهلين بنات 

رجعت لكم مع تاج ما أعرف اذا احد قبل عملو وحعمل تاج لكل البنات اللي معاهم بلوق او يوتوب 

موضوع التاج : ايش الخمس المنتجات اللي ما أنصح احد يشتريها 

اخترت هنا سبعة حاولت اقلص على أد مائـدر :)

اول شي فرش بودي شوب (فرش الوجة)

سيئة جداً ما انصحها حتى للمبتدئات ابداً ماتدمج كأنها تطبع المنتجات من بلشر وبودرة على الوجة 

صح شعراتها مررة ناعمة بس ايش الفايدة ايش ماتسوي اهم شغلة بالميك اللي هو الدمج 

سعرها ما افتكر اشتريتها مررة زمان واتوقع الأسعار ارتفعت فما انصحكم ابداً فيها 

آل لاينر من مكياجي 

اسود مرة فاحم وسهل الأستعمال بس ابداً مو ثابت 

ساعة وساعتين ويبدأ يخف السواد لين بنهاية اليوم وماتلاقي الا شوية بس

ما افكر ابداً اشترية تاني 

مسكرا من ريمال 

Rimmel Scandal Eyes Mascara

سيئة لا ابعد حد الفرشة مرة كبيرة وتطبع كثير على الجفن ومو بس كدا 

تلصق بالرموش ابداً لا كثافة ولا طول ما ناسبتني ابداً وماتستاهل المدح اللي جاء عليها 

شيمر من إلف 

elf shimmering facial whip

لا ثبات ويطبع بالوجة صعب الدمج فية ما عجبني مرة 

كنت استخدمة مع الفاونديشن اخلطهم مع بعض 

بس جلس معايا شهرين وبدأ يتغير صار سائل بزيادة 

فا بطلت مرة استحدمة 

شادو من ماركة نيفيا 

عندي بوست كامل عليها ما انصح اي احد يشتريها مرة سيئة 

ودا البوست 

http://ehsan2a.blogspot.com/2012/06/nivea-creative-eyes-trio-eyeshadow.html

بلاشر من نكس 

اكيد حتنصدموا صح الألوان المتوفرة عندهم مرة حلوة 

بس ابداً مافيها ثبات ساعتين بالكثير ويختفى بشكل كامل 

ما افكر ابداً ارجع اشتريها 

باليت ارواج من ميك اب فور ايفر 

makeup forever lipstick palette

خسارة فية حتى خمسين ريال سعرو غالي وابداً مايستاهل انا مدري ايش اللي خلاني اخذة

بس البياع كل شوية يمدح فية وقرقرة فوق راسي لين ما اقنعني بجد هههه 

الألوان بس شكل خفيفة مرة زي المرطب ابداً ما انصح اي احد ياخذها 

مع انو شكلها بالعلبة عملية مرة بأول يوم اخذتها وطاحت العلبة وانكسر الغطاء 

ورجعت الصقة بغراء قوي ابداً ماتستاهل سعرها وانصحهم يشيلوها من عندهم 

H & M Nail Polishes pic&swatch

hello everyone 

What have you been doing?!

I miss you a lot. I'm really sorry for not posting for over 2 month

I've been so tremendously busy lately with college.

So today I'm going to talk about H&M nail polish

I have here 5 polishes with different colors mostly neutral shades

The texture is amazing I really love their polishes fast to apply

and fast to dry and that's one of the important thing that I look for

nail polish also, very affordable price it's around 20

I recommend you to try it out. They don't have a wide shades to choose

especially  here in Saudi Arabia, but you can find a lot of colors online.

I leave you with the pictures and the swatch

TAG | Top 10 Beauty Products I Can't Live Without !!

اهلين بنات :) 

جيت ومعايا بوست عن 10 منتجات اللي ما أقدر استغنى عنها وهو تاج منتشر حالياً فا حبيت اعملو 

وكان صعب أختار عشرة اشياء وانتهيت ب 11 منتج اثنين منهم قريبين من بعض 

ودي صورة ليهم (حسيتهم أولادي ههههه) ونبـدأ 

* * * * *

1+2 

أساس الهيلثي ميكس من بورجوا ودرجتي فيها 56 light bronze

خفيف حلو طبيعي ويومي ما استغنى عنو وزي مانتو شايفين باقي شوية 

الثاني هو بالم زي البرايمر تقريباً من بينفيت اسمة بورفيشينال 

هذا لازم لازم يكون مع اي وحدة تعاني من مشكلة المسامات 

يخفيها بشكل رهيب وينفع للسيدات الكبار في العمر يقلل من نسبة التجاعيد 

لازم استخدمة حتى لو مو ناوية اسوي فاونديشن هذا وبودرة ومعايا احسن بشرة 

3_ m a c eye-shadow in satin tube 

أكثر شادو استخدمة. كنت زمان ما استخدم شادوز فا هذا أول حب ليا 

لونو مرة غريب مش اوفر ابداً برونز رمادي على ناحية البينك مدري كيف اوصفو غريب اللون

4_ m a c 217 brush 

احسن فرشة تدمج من الـ must have عندي 

5_ Maybelline Colossal Mascara

الماسكرا الصفراء من مايبلين زي ما انتو شايفين مدري لية معايا 3 

بس وحدة منهم ووتر بروف مرة احبها تعطيني رموش سوداء مفحم وتكثف 

بس ما احبها لمن تكون جديدة احبها بعد شهر لمن تبدأ تنشف 

6_ Makeup Forever Compact Powder, Velvet Finish

بودرة من ميك اب فورايفر صح فاتحة ابداً ماتعطيني لون بس تعطي لوك مخملي حلو 

7_ Guerlain Terracotta Bronzing powder 

احسن برونز جربتة بحياتي صح تقريباً جديد من رمضان اخذتة وللحين لازم اعملو اذا 

سويت ميك اب شي اساسي عندي وانصحة لكل بنت تحب البرونز زيي واستخدمة احياناً 

آي شادو وكمان ارسم حواجبي فية يعني متعدد الأستخدام 

8_ محدد نيود طبيعي ووتر بروف من ماركة اسمها Impala 

محدد استخدمة مع اي روج غامق او فاتح

9_ makeup forever rouge artist intense Lipstick

احب الروج دا بشكل مو طبيعي الروج مررة ماات من قلب 

احب ارواج المات تناسبني كثير وميك اب فورايفر رائدة بأرواج المات 

بأختصار 

my signature lipstick :)

10_ وآخر شي صح مو ميك اب بس متعلق بالبشرة والعناية بالبشرة اهم من اي ميك اب 

البخاخ هو مويا ورد من 3 سنين للحين وكل يوم استخدمة صبح وليل 

انتعاش ولاحظتة رطب بشرتي هذا شي اساسي عندي زي شرب المويا 

والثاني جل مقشر للحبوب خلصني وانقذني من الحبوب الصغيرة اللي صعب تروح من البشرة 

ولاحظتو يقلل من الأفرازات الدهنية بالبشرة واستخدمو بين فترة وفترة لمن احتاجة 

والحمدلله خلصت وهذا هم العشرة مدري ال 11 منتجات اللي احبهم 

واذا خلصو حرجع اشتريهم واشتريهم. وإذا تبغوا رفيو شامل على اي 

منتج ذكرتة فوق او مو بس اللي ذكرتهم على اي منتج نفسكم تعرفوا عنو اكثر 

اكتبو ليا هنا او بتويتر على 

ehsan2a@ 

واعمل تاج على كل متابعاتي اكتبي ايش 10 منتجات اللي ماتقدري تستغني عنها 

:)